Hámálâš čaalij olssis reeivâ pevdikuorâst.
- Kiäs tun čáláh? koijâdij suu skippáár, kote sattui toos.
- Olssân.
- Mii ton reeivâst lohá?
-Mast mun tom tiäđáččim. Mun uážum tom eskin itten.
++
- Tiäđáh-uv, et jyehi tove ko vuoiŋâm, jáámá ohtâ olmooš?
- Lah-uv tun kuássin iskâm njälmičääsi?
++
Kyevdikyevtis savâstâllâv:
-Láán-uvsun muoi meendu mirhâliih?
- Mondiet tun tagarijd smietah?
- Mun eidu käskistim jieččân vyelipoksâmân.
++
Nievdim moonnâm iijâ, et puurrim maailm stuárráámuu njálgá. Ko koccájim, te muu kuáddá lâi lappum.
++
- Maggaar noomâ leppee adelâm páárnážân, pappâ koijâdij vaanhimijn ovdilkaastâtilálâšvuođâ.
- Ninni Liisa Marianna Kerttu Anastasia Tea Lesi Josefiina Ylä-Keskitalo, enni västidij.
- Psst, pappâ culijdij sundei. - Viežâ lase čääsi!
++
- Lah-uv kuullâm hámáliist, kote peesâi ollâopâttâhân?
- Jiem lah.
- Jiem mungin.
++
Enni: Maht vuosmuš škovlâpeivi moonâi?
Minttu: Aaibâs pyereest. Mist lii tuše hirmâd jo tuávhis máttáátteijee.
Enni: Na maht nuuvt?
Minttu: Ko sun ij määti puustuvijdgin. Kalga ubâ ääigi mist koijâdiđ.
++
Hámálâš lâi suttâm já sooitij poolisân: - Muu siäivumsyeji lii suáládum. Huámmášim tom eidu tääl ko njuškejim mašinist.
++
Hámálâš eeđâi kuáimásis: Kiäh, juovlâáptu lii-uv taan ive vástuppeeivi.
Suu kyeimi: Vuoi hirmos, tuáivu mield tot ij lah kulmânubálovváád peeivi.
++
- Falâdeijee, mii peevdist iä lah ollágin stoovlih.
- Mut tijhân väridijd tuš peevdi?
Ei kommentteja:
Lähetä kommentti