Pargovyevih láá motomin ucâmist já lappâsist. Čokkájim čiärroo nieidijn, kote ij piergiittâllâm liävsuidiskijn. Sust lâi luuhâm iberdem. Kiinii lâi čáállám mainâs, mast celkkuuh lijjii moonnâm siähálâs. Sun ferttij taid orniđ. Ohtâ ceelhâ lâi lijgeceelhâ, mii ij kuullâm mainâsân. Muu mielâst hárjuttâs ij kale testam luuhâm iberdem pic pargovuovij smiettâm. Mun šoddim viärráás uáivijorgáldâssân škoovlâ pargovuovijgijn ko keččâlim jieš rähtiđ hárjuttâs. Smiettim, et mun jo-uv čiäruškuáđám fáárust teikâ ferttiim keksiđ pyerebijd pargovuovijd.
Mun kuččum vistig suu čuoppâđ pááppár pitážin já orniđ celkkuid. Mut tas šoodâi vala viärráb čierri: ijhân pargopápárijd puáhtám čuoppâđ. Mun kuččum suu väldiđ kopio pápárist já čuoppâđ kopio pitážin. Na nuuvt sun tastoo poorgâi. Toin naalijn lâi älkkee lihâttâllâđ pittáid pááppár alne, tego pittáspeelâ nuuvt et puovtij iskâđ, maht te maainâs juuđij. Tehân te šodâškuođij maainâs-uv.
Maainâs mana näävt:
D: Mark ocá eejis, kote lii omâslávt lappum ko taat eeđâi maidnii surgâdis tiileest ton afriklii enâmist, kost sij ääsih.
F: Jieht sun lâi vala tobbeen, mut tääl táálu lii kuárus.
E: Mark enni, viljâ já puohah halijdeh orostittiđ suu, mut Mark liijká juátká.
A: Nuuvt et sun ij kiässán muštâl, sun mana siisâ lappum diktaattor táálun.
H: Táálust lii tootaallâš kaaos.
J: Fakkist Mark kulá juolgij lavkkiimijd pálgá alne.
I: Sun hirmástuvá já stoorgásm oovtâ sajan tego pääccis.
C: Sun uáiná almaakuáhtá aldanmin táálu.
G: Mut Mark ij sunnust ennustkin peerust. Sun juátká viistij tutkâm, kuovllist maapij siisâ, kuárá luodâid eejis orroomsaajeest.
Uárbis ceelhâ: B Siijdâst lii paldee aassâđ.
Vâi: ráhtáččih-uv tun täst eresmuđusii mainâs, piejâččih-uv celkkuid nube oornigân ko muoi tääbbin?
Ei kommentteja:
Lähetä kommentti