Te lam peessâm vuod Tromssaast Hollandin, já oro lemin muáddi miinut eenâb asto čälistiđ blogin-uv. Vuossâmuu keerdi lâi tobdo, et ij lam nuuvtkin suotâs jotteeđ. Kirdemist jiem poolâ, mut torvotteemmin tobdoo kirdemkiedist Bryssel päävkitmij maŋa. Lâihân tot siämmáš káátu muu-uv pargokáátu 1990-lovvoost, siämmáš metro muu paargon. Jurduidiskijn tuáivu, et taggaar sajan ij jieš kuássin teivâččii. Tääl te luuvâm uđđâsijn čielgiittâsâid toos, mondiet muáddi peeivi tassaaš Schiphol kirdemkiedi koolgâi evakuistiđ.
Mottoom puolalâš uáivistolmooš lâi suáládâm reepu, já kuovttijn reppuin sun lâi valdum kiddâ. Sun lâi čielgim, et almaažist lijjii pavkkânâsah reepu siste. Tondiet pavkkânâssáid speliastum pennuuh lijjii karttâm tutkâđ reepuid já kirdemkiedist tiätukuávluid, kost almai lâi skuiperdâm. Pennui vuossâmui suuvnâšmij maŋa lâi iäpádâs, et reepuin lâi miinii epiditteid.
Pavkkânâssáid spesialistum totkeeh-uv lijjii tutkâm reepuid já kirdemkiedi, ige mihheen eromâšijd lam kavnum. Almaa vuárdá tääl lahâtupe kesimáánust, kost sun sujâttuvvoo puástu pommialmottâs addelmist já suáláádmist.
Mii vuárdá muu niärvái várás já ton várás, et tubdâččij maađhâšmis tiengin peeleest torvolâžžân? Poollâđ jiem ááigu, mut jurduuh iä velttidhánnaá kyeđe. Mun jođám kirdemkiedist tuš lappâd tyellittälli, mut tiätu-ulmuuh pargeh tobbeen kuhes peeivijd. Mahtsun sii niärváh killájeh?
Ei kommentteja:
Lähetä kommentti