Viivi Cumme já toffeeváimu. Kirje suápá pyereest vyeliškoovlâ pajemuid luokkaid. Amoc ustevlávt išédij ráprunoi jurgâlmist. Muu naaveer lii jurgâliđ anarâškielân ubâ Viivi Cumme -rááiđu. Lieggâ kijttoseh Tittamari Marttisâžân, kote suovâi jurgâliđ jieijâs kirje anarâškielân. Tuáivumist tágáreh šodâččii eenâb-uv.
Taantovásii peividmist láá čáittuseh Viivi Cumme -kirje runojurgâlusâin:
Noomâd sáárgum uđđâsist
toh lasaneh sist’ pulbetist.
Vázáttâhân
heŋgâstâhân.
Čievâm noomâd syele tohon.
Siäinán
stoovlin
sehe uuksân,
avalávt páásáh muu muušton.
Muusiktiijme maskot lah.
Lihâdemtiijme libžástâh.
Eŋgâlâskielâ eŋgâlâš.
Purâdempuudâ potákkâš.
Sárgumtiijme silbâpennâ.
Eenikieltiijme eennâmhiärrá.
Mut ranskatijime ruubiinruusun
mun majemustáá-uv ihástuum.
++
Veikkâ liččim paarooh
te lam vala čoorooh.
Veik lam jotteel tego uuštâ
jiem máttáátteijee čuávvuđ oostâ.
Lah muu jurduin ääigi smietâhánnáá.
Tun toovah must kivse já nánnáá.
Tun toovah must uce já stuárráá.
Tun toovah must siivvâd já viärráá.
Tuu tiet jiem tieđe kosám-uv vâi uáđám.
Tuu, tuu tiet mun ain puosâškuáđám.
++
Jis motomin pargoidân pyereest máátám
Te peesâm enijnân kuhes máátkán
Jis čálám vástádâssáid rievtis litannia
Te sunden váldoo tastoo Britannia
Jis mihheen ij muu vuástálist
Te val kaavnâm jieččân luámust Japanist
Já ko iskosijd piäjá oornigân
Mij reissap vissásávt Rooman já Madeiran
Mut jis te iskosijn korrâsávt čuorbuš
Talle kale kuhes mätki-uv vájálduš
Ij tastkin pyevti oovtâkin läittiđ
Talle ustevvuođâ puáhtá ain čäittiđ
Ei kommentteja:
Lähetä kommentti