Ääigi ij oostâ monâttiđ
tot mudoi-uv tuámá
Iiskâ tun kaččâđ maajeeld
Immâš ij taarbâš vyerdiđ
puohân lii ain jiärmálâš čielgiittâs
Suujâid tun ferttiih jieš kavnâđ
Adalduvah iä adeluu
mudoi ko mielâttes pargo pälkkin
Rekigijd tun tastoo jieš palhijnâd máávsáh
Ige luho ohtâgin faalâ
eereeb rekinistmij já tärhis heivitmij puotâ
Tuu pargon lii mutteđ luho táválâš argân já eelliđ ton mield
Täähidmeh iä tarbâšuu
miibâ ulmuu elimist lâš vises
Epivisesvuotân lii čuuvtij älkkeb lyettiđ
Vástádâs ij kihheen vyerdi
ovdilgo kiiniigin koijâdškuát
Uusâ tun tuárvi tiätuäŋgiris ulmuid
Ige masten kannat meendu čuuvtij ilodiđ
jis ij lah vistig tuárvi čiärrum
Ilo kuittâg-uv motomin láivu, šadda táválâžžân
Puátteevuođâ ij kannat eelliđ tállân loopâ räi
tastko loppâ mudoi-uv puátá mendu huápust
Mut tun koolgah liijká elimâd stivriđ
Taan puudâst ij kannat poollâđ
tom olmooš kuittâg-uv oho siste vájáldit
Puávtáh visesvuođâ tiet kuvâttâllâđ viärráámuu
Nuuvt et ij kannat halijdiđ
muide ko tom maid eidu tääl taarbâš
Tuu pargon lii vaattâđ já haahâđ tom olssâd
Ele jiermi lääpit oles ááigán
mudoi maŋanuuh máhđuttemest
já kulhijdah ovdil ááigád
Elege kuássin loopât sárnumist saavâd
ovdilgo lah vises tast et majemuš sääni lii kukken puátteevuođâst
kiinii eres kalga tom tuu peeleest ettâđ.
Ei kommentteja:
Lähetä kommentti