 |
| Jotolâhmerkkâ. |
Aanaar kuávlust lii onne valdum anon uđđâ jotolâhmerkkâ. Tot oinuustâl jo motomij sojij Avveel já Aanaar kooskâst. Tot lii váruttemkuulmâčiehâ, mii lii rahtum iskâstem tiet. Tot čáittá, et luodâ alne uážžu vyeijiđ ubâ kiđđâtäälvi nuuvt korrâsávt ko haalijd. Tastko tälvisiijvo ääigi lii váddásub haldâšiđ auto ko keessiv, kaskoo jotolâhmeerhâ lii merkkejum avžuuttettee liähtun 50 km:d tiijmest. Mut toos uážžu tiäđust-uv rahttâttâđ, et meiddei 200 kilomeetter liähtu pyerebijn autoin sáttá leđe pááihui aaibâs máhđulâš.
Lam koijâdâllâm ulmuin, maid sij lijkkojeh tággáár stuorrâ nubástusân. Ulmuuh halijdeh leđe taan tove nomâttáá.
Vuossâmuš, kiäin sarnum, lii ton mielâst, et nubástus lii uáli vuovâs. Motomijd uđđâ já markkânáid puáttee autoidhân testajeh-uv Avveel kuávlust, nuuvt et lii vuovâs, et kieldâst láá kuittâg motomeh luoddâpitáh, kost uážžu vyeijiđ nuuvt korrâsávt ko autost vuálgá. Lii vuovâs testađ auto jieŋârađe ulguubeln-uv, olmâ luodâ alne. Mut tiäđustkin ij lah meendu vuovâs, jis ovdiibeln vyeijeeh turâšteh tuše 50 km:d tiijmest. Kaasujyelgi saŋŋeed jo.
Nubbe sahhiittâllum olmooš lii jaamâs suorgânâm já pala puohâi jotoluvvâst leijee ulmui torvolâšvuođâ peeleest. Sun lii ton mielâst, et luhottesvuođah tábáhtuvvojeh tääl jo já tot čáittá tom, et liähtu paijaan meendu korâsin. Almolii torvolâšvuođâ tiet sun áigu vaattâđ, et tágáreh iiskâstmeh noheh tállân ige taid uážu innig kosten olášuttiđ.
Kuálmád olmooš vuod ij lam addim ubâ meerhâ já lâi omâttâllâm tom čuuvtij. - Hyeneeht toh almotteh, ko ij uáini kosten tiäđáttâsâid. Suu mielâst merkkâ lâi aaibâs ton hámásâš tego ruttâ ličij kolvum luodâi oolâ já várutteh tast talle.
Koččâmuššân tiäđust-uv páácá, maht tun jieš uáináh já tulkkuuh tággáár uđđâ jotolâhmeerhâ. Lii-uv tágárij ravvui mield čielgâs já älkkee jotteeđ?
Ei kommentteja:
Lähetä kommentti