Lam eskin lamaš kyehti peeivi kielâjuáhus čuákkimist Anarist. Takkâ Kielâkäldei ton orniimist! Munjin olssân taat lii lamaš ávhálâš äigi. Já lam meiddei jieš oppâm uđđâ säne: soicce. Tubdim kale veerbâ soicceđ, ko muotâ teikâ suovâ porgeest já jorá. Mut substantiv lâi munjin oomâs.
Soicce-säne oppim Vuoli Ilmarist, ko muoi Ilmaráin vuojijm Avelist Anarân kuohtui peeivij. Ubâ ääigi muotâ kirdâččij já juurâi já pajanij ollâgâsân.
Nube peeivi lijjim jo vájáldittâm säne, mut luhhoost čuávuváá peeivi-uv lâi eidu siämmáálágán soicce. Já nuuvt te Ilmar kiärdui tom ko keejâi, et siämmáálágán šoŋnâ lâi vala-uv.
Adjektiv-uv lii: motomin tälvišoŋŋâ puátá leđe soiccáá.
Takkâ Ilmarân - taah säneh peesih tääl elektronlii sänikiirján.
Ei kommentteja:
Lähetä kommentti