Luptii päđe
cokkit levy
pase piärgu
já kuldâl
nelgikuorgâ vaigârdâs
Koškes kievkkânpäävir
peevdi alne
soodâst tuulân
cokkit smavvâ pekkânjuš
ollâ tullânjuolâ paijaanškuát
Tullâpuálu
päđe ponneest
päđe siste
luŋŋân káátun
uhked táálu
Puáluloovdâ
áávus šluvgum
kirdettuvvoo
päđe pijnen
tullâpaštuu sormen
Leehâ uuvsâ
juuvâ vorâs olgoááimu
tuubdâ
kuuloold puáttee suorgâttâs
poolâ tast
mii tuárgistut.
Sirde päđe
toorvon olgos
kuldâl
kuáros čoolij šnjorijdem
äälgi aalgâst puđâldem
Tuulâestuuh
toittáá kal
lâi pyelliđ táálu
ij pyevti älkken toohâđ
meendu muálkkáás mälistem.
Ei kommentteja:
Lähetä kommentti